Mblidhet Këshilli i Ministrave të BE-së, çfarë u vendos për liberalizimin e vizave

0
15

Këshilli i Ministrave të Bashkimit Evropian do të mblidhet gjatë ditës së sotme dhe të nesërme. Megjithëse, ende nuk është bërë publike agjenda e këtij takimi, janë udhëheqësit institucionalë të Kosovës të cilët kanë konfirmuar se as në këtë vit nuk do të ketë vendim për liberalizim të vizave, pasi ajo nuk është futur në agjendën e këtij këshilli.

Ministrja e Integrimeve Evropiane, Dhurata Hoxha, ka konfirmuar këtë gjë duke thënë se është e padrejtë anashkalimi i Kosovës nga BE-ja.

Se në këtë takim të Këshillit të Ministrave nuk do të ketë vendimmarrje për liberalizimin e vizave ka treguar ditë më parë edhe komisionari për zgjerimin e BE-së, Johannes Hahn.

Gjatë qëndrimit të tij në Kosovë, ditën e hënë, ai ka shuar shpresat për kosovarët.

Në deklarimin e tij për media, ai ka thënë se beson se çështja e liberalizimit të vizave do të ndodhë në vitin 2020.

”Puna është kryer nga Kosova kur është marrë ky vendim, pastaj ishte radha jonë që ta implementojmë këtë, ku edhe kemi dhënë raportin pozitiv. Dhe tash çështja i takon Këshillit Evropian, ku do të merret vendimi dhe kam besim se në vitin 2020 do të ndodhë, por ndoshta edhe më herët”, ka deklaruar Hahn.

PËRGJIGJU

Shkruani komentin tuaj
Vendosni emrin tuaj