Opozita shpërthen në akuza pas ndryshimeve në qeveri: Edi Rama tentoi të shpëtojë veten, duhet të largohet

0
45

Opozita ka shpërthyer dje në kritika ndaj kryeministrit Edi Rama pas ndryshimeve në qeveri. Disa deputetë të saj reaguan menjëherë, duke kërkuar dhe largimin e kryeministrit. Ish-kryeministri i vendit, Sali Berisha, përmes një postimi në rrjetin social Facebook, ka deklaruar se kryeministri përmbysi qeverinë përpara se të largohet vetë për azil politik. Ministrat e larguar ai i cilësoi si persona që erdhën në pushtet, vodhën dhe më pas u larguan. “Edvini përmbys qeverinë para largimit të vet për azil politik! Kreu i krimit të organizuar dhe mafies shtetërore më të rrezikshme të Europës para largimit për azil politik përmbysi qeverinë e tij. Për narko-ministrat që u larguan për shumicën dërmuese të tyre me tre fjalë mund të thuhet: Erdhën, vodhën, ikën”, ka thënë Berisha. Për ndryshimet në qeveri ka reaguar edhe deputeti demokrat Ervin Salianji, i cili ka thënë se kryeministri konfirmoi qëndrimet e opozitës për të shpëtuar veten e tij. Përmes një postimi në rrjetin social, ai ka deklaruar se kreu i ekzekutivit ka rënë në greminë. “Rama në greminë! Largohen gjithë ministrat e akuzuar nga opozita, pas Tahirit, Xhafajt, Beqaj, sot Rama konfirmoi qëndrimet e opozitës në përpjekje për të shpëtuar veten. Qeveria Rama vazhdon të mbetet qeveri drejtorësh, çdo ministër zbaton direktivat korruptive të tij. Për socialistët nuk vendosin forumet por analistët, ndryshimet e sotme të paralajmëruara nga gazetaret e Ramës, në një qeveri që gjithçka është propaganda kjo e nxin dhe më shumë socialistët. Qeverisja projekt tërësisht personal dhe privat i Ramës dhe oborrtarëve. Rama për pushtet personal shet cilindo”, ka thënë Salianji. Po me të njëjtat tone ka ardhur edhe reagimi i kreut të grupit parlamentar të LSI, Petrit Vasili, ku ka deklaruar se qeveria tashmë ra, por duhet durim deri në rrëzimin e kryeministrit. “Qeveria ra! Tani mbetet vetëm kryeministri, por durim, për farë pak do të ik edhe ai”, ka thënë Vasili përmes një statusi në Facebook.

PËRGJIGJU

Shkruani komentin tuaj
Vendosni emrin tuaj