Moderatorja Rudina Dembacaj, duket se edhe këtë Vit të ri nuk i ka lënë pas mëritë me ish kolegët.
E ftuar në emisionin e parë të 2019-ës “Rreze Dielli”, në Report Tv, Dembacaj e quajti aktorin e njohur të humorit Agron Llakaj si “një njeri që largohet nga fshati por nuk e nxjerr dot fshatin nga vetja”.
Dembacaj tha se Agron Llakaj i kishte vënë kusht regjisores Vera Grabocka që të mos takoheshin bashkë në emisionin “Në kurthin e Piter Pan”.
“Agron Llakaj i kishte vënë kusht Vera Grabockës që të mos dukesha unë te Piter Pani”, u shpreh Dembacaj.
E pyetur se çfarë mendon për aktorin e humorit Bes Kallaku, Dembacaj ka vendosur të tregohet e sinqertë në përgjigjen e saj.
“Kur del Besi nuk më shkakton atë alkimi si Florian Binaj. Tani Besi ka marrë rolin e showmen-it dhe s’ka pse punon aq shumë. Bën edhe këngë..”, u shpreh ajo.
