I ftuar në studion e Fax News, deputeti i Partisë Demokratike, Tritan Shehu u shpreh se uron që Presidenti të mos e dekretojë ministrin e ri të Jashtëm të propozuar nga Rama, pasi sipas tij ai nuk mund t’i përmbush pritshmëritë e shqiptarëve.
“Duhet ta themi të gjithë me zë të lartë që të parandalojmë një padrejtësi dhe fatkeqësi kombëtare që të përfaqësohemi nga dikush që është provuar se ka flirtuar me Beogradin,” – u shpreh Shehu lidhur me emërimin e ministerit të ri të jashtëm.
Gjithashtu Shehu për Cakën tha se ai mund të jetë i lexuar dhe le ta quajmë si “njeriu i vogël i librit”, por jo për një pozicion kaq të rëndësishëm.
