Spartak Ngjela: SPAK do të ndëshkojë Berishën, Metën dhe Bashën, agjentët e FBI s’do të lejojnë shpëtimin e tyre

0
28

Avokati Spartak Ngjela paralajmëroi dje reprezalje në radhët e të korruptuarve përmes Strukturës së Posaçme Antikorrupsion. Përmes një postimi në rrjetet sociale, ai u shpreh SPAK do të jetë organi që do të bëjë historinë e Shqipërisë sepse më në fund të korruptuarit do të marrin ndëshkimin e merituar. Sipas tij, anëtarët e SPAK do të jenë ata që do të çojnë pas hekurave Ilir Metën, Sali Berishën dhe Lulzim Bashën.

“Reformës në drejtësi nuk i shpëton dot. Është ngritja e SPAK që sigurisht që do të krijojë faktin më të rëndësishëm në historinë e Shqipërisë. Kjo sepse, pas njëqind vjetësh, me ndihmën e Amerikës, shqiptarët do të çlirohen nga zgjedha e korrupsionit, vjedhjes dhe tradhtisë permanente të pushtetarëve të tyre. Personat e emëruar dhe ata që do të emërohen në SPAK do të jenë shpëtimtarët e brezave, por dhe të fëmijëve të tyre. Këta individë me dinjitet individual dhe drejtësi do të shpëtojnë shqiptarët nga zgjedha makabër Berisha, Rama, Meta, Basha dhe rreth 100 të tjerë; që të gjithë varrmihës të shoqërisë shqiptare”, tha Ngjela.

Avokati shtoi se njerëzit e rinj të sistemit të drejtësisë duhet të punojnë me ndershmëri dhe me guxim sepse mbrohen nga ndërkombëtarët. “Në fakt organet e reja të sapodala të SPAK-ut kanë në dorë të ardhmen e tyre dhe atë të vetë Shqipërisë. Prandaj duhet të vendosin realisht kurajën dhe ndershmërinë në veprimtarinë profesionale. Po politika amerikane dhe ajo gjermane, a kanë menduar për mbrojtjen e tyre? Sigurisht që po. Ata janë të mbrojtur plotësisht. Gjithçka këtej e tutje do të ecë në favor të Shqipërisë dhe shqiptarëve”, u shpreh ai. Spartak Ngjela theksoi se agjentët e FBI të ndodhur në Tiranë nuk do të lejojnë që të korruptuarit të bëjnë ndonjë tentativë për shpëtim. “Korrupsioni sot dallon se është i trembur. Por, a do të kundërveprojë me mjete të dhunshme? Të shohim. Por, për faktin që FBI është prezent këtu, sigurisht që hordhitë ordinere që drejtohen nga korrupsion i lartë nuk do të mund të kundërveprojnë dot me mjete joligjore. Do të tentojnë, por do të kërcënohen. Prandaj nuk do të bëjnë dot gjë”, tha Spartak Ngjela.

PËRGJIGJU

Shkruani komentin tuaj
Vendosni emrin tuaj