Në fakultetet e universitetit të Tiranës ende nuk është rikthyer normaliteti. Vetëm në Fakultetin e Gjuhëve të Huaja ditën e sotme është zhvilluar normalisht mësimi. Te ‘Ekonomiku’ studentët që ishin ngujuar prej disa ditësh u larguan dje, ndërsa sot fakulteti është hapur, studentët janë brenda ambienteve, por ende nuk ka filluar mësimi, pasi po rregullohen bankat dhe karriget.
Te Filologjiku mësimi është bllokuar nga një grup studentësh, po ashtu te Politekniku, Shkencat Sociale dhe Juridiku.
