Ditën e enjte do të vijnë në Tiranë një delegacion nga Parlamenti Europian. Pikërisht në këto kushte kur vendi ka mbetur pa opozitë pas djegies së mandateve nga PD e LSI, si gjithnjë në raste krizash ‘hyn në lojë’ faktori ndërkombëtar.
Delegacioni i përbërë nga disa deputetë të rëndësishëm të PE do të vijë me synimin për të zgjidhur krizën edhe pse situata duket tejet e vështirë, madje më e vështirë se situata e çadrës pasi, këtë herë, asnjë nga palët nuk flet për marrëveshje.