Tensionohet situata/ “Ushtria në gatishmëri”, Pacolli nxjerr detajet e operacionit në veri të Kosovës dhe lëshon thirrjen e rëndësishme ndaj Serbisë: Mos bëj…

0
346

Ministri i Jashtëm i Kosovës, Behgjet Pacolli ka dhënë detaje rreth operacionit policor që po zhvillohet këtë mëngjes në veri të Kosovës.

Pacolli bën me dije se operacioni po kryhet për të arrestuar qytetarë që janë pjesë e një rrjeti që ka qenë thellësisht i përfshirë në kontrabandë, ryshfet, keqpërdorimin e pozitës zyrtare dhe aktivitete të tjera të krimit të organizuar.

Ministri i ka bërë thirrje Serbisë të mos abuzojë politikisht me një operacion të thjeshtë të policisë, siç e quan ai.

“Unë i dënoj thirrjet e qeverisë serbe që madje e kanë thirrur ushtrinë të jetë e gatshme për shkak të një operacioni të thjeshtë policor kundër rrjeteve të krimit të organizuar”, shkruan mes të tjerash Pacolli.

Reagimi i plotë:

Policia e Kosovës po kryen një operacion në Kosovën veriore për të arrestuar qytetarë të Kosovës duke përfshire Policë të cilët janë pjesë e një rrjeti që ka qenë thellësisht i përfshirë në kontrabandë, ryshfet, keqpërdorimin e pozitës zyrtare dhe aktivitete të tjera të krimit të organizuar.

Ky operacion ka qenë i përgatitur që disa muaj dhe është pjesë e përpjekjeve më të mëdha që Kosova po ndërmerr për të forcuar rendin dhe sundimin e ligjit në të gjithë vendin. Ne kemi parë operacione të ngjashme në ditët e fundit në pjesë të tjera të Kosovës.

Kosova dëshiron të tregojë vullnetin e saj për të luftuar krimin e organizuar, korrupsionin dhe keqpërdorimin e pozitës zyrtare dhe ne i bëjmë thirrje të gjithëve për të mbështetur veprime të tilla.

Unë i bëj thirrje Serbisë të mos abuzojë politikisht me një operacion të thjeshtë të policisë. Iu bëj thirrje atyre të mbështesin luftën kundër krimit të organizuar dhe të mos kundërshtojnë atë. Ajo që ka rëndësi është mirëqenia e të gjitha komuniteteve që jetojnë në Kosovë dhe qeveria e Kosovës garanton që kjo është me interes të lartë.

Unë i dënoj thirrjet e qeverisë serbe që madje e kanë thirrur ushtrinë të jetë e gatshme për shkak të një operacioni të thjeshtë policor kundër rrjeteve të krimit të organizuar.

LEAVE A REPLY

Please enter your comment!
Please enter your name here