Pamje të pazakonta janë filmuar në një liqen në provincën Yunnan të Kinës.
Siç shihet dhe në videon e publikuar nga “Unilad”, një peshk me “fytyrë-njeriu” është filmuar nga një prej banorëve të zonës në qytetin Kunming.
Peshku me ngjyrë ari afrohet pranë bregut dhe nxjerr kokën dhe një pjesë të trupit të tij mbi sipërfaqen e ujit.
Videoja është bërë mjaft virale dhe ka marrë mbi 300 mijë shikime vetëm disa minuta nga publikimi i saj.
Besohet se peshku i rrallë është pasardhës hibrid i dy specieve të ndryshme peshqish të llojit krap; krapi i zakonshëm dhe krapi prej lëkure, i njohur ndryshe si peshku “mandarinë”.
